Irrist Hockey-a: pasioa, osasuna eta talde-lana
Irrist hockey-a kirol bat baino askoz gehiago da. Abiadura, estrategia eta laguntasuna gurpiletan. Partida baten aurreko zirrara, patinen soinua pistan irrist egiten eta azken unera arte, dena ematearen poztasuna. Baina, ilusioaz eta adrenalinaz gain, sasoian mantentzeko modurik onenetakoa da. Eta gainera, gorputzarako ez da hain latza, beste kirol bortitzagoak bezala.
KKirol honek erresistentzia, koordinazioa eta erreflexuak uztartzen ditu, artikulazioak zigortu gabe, inpaktu kiroletan gertatzen den bezala, korrika edo saskibaloian esaterako. Patinatzean, mugimendua arina da, eta horrek belaunetan eta orkatiletan lesioak izateko arriskua murrizten du. Horrez gain, gaitasun kardiobaskularra hobetzen du, muina sendotzen du eta hanketan eta enborrean gihar orekatuak garatzen ditu bizkarrean, gehiegizko tentsiorik gabe.
Baina fisikoaz harago, irrist hockey-ak pistatik askoz haratago doazen balioak irakasten ditu: esfortzua, diziplina eta talde-lana. Hemen ez dago izar bakartirik, jokalari bakoitzak bere garrantzia du, pase bakoitzak garrantzia du eta garaipen bakoitza guztion lanaren emaitza da. Azkar erreakzionatzen, arin pentsatzen eta besteengan konfiantza izaten… ikasten duzu.
Menpekotasuna sortzen duen kirola da, zerbait handiago baten parte sentiarazten zaituena. Zure burua hobetzera behartzen zaituena gorputzarentzat zama bihurtu gabe. Eta, batez ere, dibertsio hutsa da. Patinak jantzi, makila hartu eta pistara jotzean, gainerako guztia desagertzen baita. Jokoa, grina eta hobetzen jarraitzeko gogoa besterik ez da geratzen.
Beraz, dena duen kirol baten bila bazabiltza —intentsitatea, osasuna eta laguntasuna— irrist hockey-a zure aukera da. Jantzi patinak,atera eta gozatu!
PATIN-HOCKEY EGITEAREN ONURAK KIROL GISA
Patin-hockeya kirol oso kirol ona da, onura fisiko handiak ematen dituena, koordinazioa, psikomotrizitatea, oreka, egonkortasuna eta, aldi berean, talde-kirola hobetzen dituelako. Aurrekoaz gain, estatistikoki lesio gutxi eragiten dituen jarduera da.
Jarraian, kirol honek sustatzen dituen trebetasunak eta gaitasunak nabarmenduko ditugu:
Oreka, koordinazioa eta egonkortasuna: Jokalariek konfiantza izan behar dute patinen gainean duten orekan eta egonkortasunean. Horrek, oinarri sendoa garatzen du eta hanketako giharrak indartzen ditu, gorputza gurpilen gainean hobeto kontrolatzeko eta irristaketan trebetasun hobea izateko, eta, horrela, konfiantza eta autoestimua handitzeko. Gurpil gaineko mugimendua kontrolatzea, pilota pasatu eta jasotzen den bitartean, propiozepzioa (espazioan gorputzaren kontzientzia) eta mugimendu zehatzak eta jariakorrak egiteko gaitasuna garatzen ditu.
Irristatzeko teknika: Jokalariek xehetasun teknikoei pixkanaka erreparatzen diete, hala nola, gorputzaren posizioari, bultzada-teknikari eta mugimenduen arintasunari. Horri esker, akatsak zuzendu eta patinatzeko teknika hobetu daiteke, eta hori funtsezkoa da kirol honetan ondo jarduteko.
Arintasuna eta mugikortasuna: Patinatzaileek pixkanaka garatzen dute beren bizkortasuna eta mugikortasuna patinen gainean, norabidea aldatzeko ariketak, bira azkarrak eta albo-mugimenduak eginez, eta horrek hobetu egiten du jokoan azkar erreakzionatzeko gaitasuna eta aurkariak saihesteko.
Indarra eta erresistentzia: Jokalariek euren bulkatzada eta hanketako indarraren mende bakarrrik daude. Horrek, zangoetako muskulatura indartzen du, erresistentzia garatzen du eta gaitasun kardiobaskularra hobetzen du, eta horrek pistan errendimendu hobea izatea eta sistema kardiobaskularraren ongizatean laguntzen du.
Koordinazioa, arreta eta kontzentrazioa: Patinatzaileek oreka mantentzen ikasten dute besoekin mugimenduak egiten dituzten bitartean eta arin mugitzen direnean. Kirol honek laguntzen du oreka garatzen, giharrak sendotzen, teknika hobetzen, arintasuna handitzen, erresistentzia fisikoa hobetzen, koordinazio handiagoa garatzen, eta oinarrizko arreta eta mugimen-trebetasunak fin eta lodiak hobetzen hazteko eta ikasteko, sticka erabiltzen hasten denean.
Sozializazioa, talde-lana eta lankidetza: Patin-hockeyak ere sozializazioaren alde egiten du. Patinatzaileak animatzen ditu taldean lan egitera, modu eraginkorrean komunikatzera eta adiskidetasunaren balioa ulertzera pista partekatzen duten bitartean, talde-espiritua indartu dadin. Era berean, haurren garapen fisikoa, soziala eta emozionala bultzatzen ditu. Hori egiteak osasunean eta ongizatean inbertsioa sustatzen du epe luzera, eta, aldi berean, gurpilen gainean oroitzapen ahaztezinak sortzeko aukera ematen du, baita lotura estuetan oinarritutako komunitatea ere.
Diziplina, errespetua eta iraunkortasuna: Bi balio horiek zutabe nagusi bihurtzen dira, patinatzaileek jokoaren arauak jarraitzen baitituzte eta epailearen erabakiak errespetatzen baitituzte, eguneroko bizitzan arauak jarraitzeak duen garrantziaren ulermen baliotsua bereganatuz. Kirol lehiaketaren bidez, jokalariek gaitasun leiala, dedikazioa, pertseberantzia, erresilientzia eta helburu eta lorpen-jomuga garatzen dituzte, eta horiek funtsezko balioak dira hazteko.
Estresaren askatzea eta dibertsioa: Kirol honek estresa arintzeko bide eraginkorra bultzatzen du. Jarduera fisikoak eta mugimenduak endorfinak askatzen dituzte, tentsioak murriztuteko, eta aldarte positiboa sustatzen dute patinatzailengan energia modu positiboan bideratu dezan. Azkenik, eta agian garrantzitsuena, patin-hockeya dibertigarria baino ez da. Patinatzaileek pistan gozatzen dute une oro, eta horrek bultzatu egiten ditu epe luzera kirol hunkigarri horrekin duten konpromisoari eustera, osasun mentalean eragin positiboa izanik.
Arintasuna eta abiadura: Patin-hockeyak arintasuna eta abiadura eskatzen ditu. Jokalariek azkar erreakzionatu behar dute jokoan gertatzen diren aldaketen aurrean, bira azkarrak egin behar dituzte eta azkar mugitu pistatik. Entrenamendu horrek erantzun-gaitasuna eta erreakzio-abiadura hobetzen ditu, bai kirol-arloan, bai bizitzako beste alderdi batzuetan.